Депутат маалымдады, 1-апрелге чейин бардык мектептер гимназиялардын жана лицейлердин статусунан айрылат

Парламенттин жыйынында 12-мартта «Ата-Журт Кыргызстан» партиясынан депутат Надира Нарматова билим берүү министрлигинин гимназиялар менен лицейлерди 1-апрелге чейин жоюу чечимин кабыл алганын билдирди.

«Эч ким мамлекеттик саясатка каршы эмес. Эгер талап болсо, процесс өз убагында уланат. Бирок чындыгында мектептер даяр эмес: 12 жылдык билим берүүгө ылдам өткөнгө шарттары жана квалификациялуу мугалимдер жок. Программа жана окуу китептер даярдалган эмес, жана коом мындай өзгөрүүлөргө даяр эмес», - деп белгиледи ал.

Нарматованын пикири боюнча, этап-этабы менен өткөрүү жараянында лицейлерди жана гимназияларды сактоо зарыл.

«Акылбек Жапаров кеткенде буйрук подпистайган. Билим берүү министрлиги лицензиянын мөөнөтү бүтүүсүнө карабастан, лицейлер менен гимназияларды 1-апрелге чейин жоюу чечимин жарыялады. Азыр мектептер кайра каттоо процедурасынан өтүүдө. Бул маселе кылдат талкуулоону талап кылат. Жакшы натыйжаларды көрсөткөн лицейлерди жана гимназияларды сактоо керек. Жарактан чыгарып салуу оңой, бирок кайра жараткан кыйын», - деп белгиледи ал.