Илим кызматкерлеринин айлыгы 100% га жогоруласа, жардамчы кызматкерлердин айлыгы 75-80% га жогорулады

2025-жылдын 7-февралында Министрлер кабинетинин №64 токтому, илимий жана илимий-техникалык мекемелердеги эмгек акыны жөнгө салууга байланыштуу кабыл алынды. Билим берүү жана илим министрлигинин маалымат кызматынан бул тууралуу маалымдашты.

Жаңы токтомго ылайык, илимий кызматкерлердин айлыгы 100% га жогорулаган. Айрыкча, кызматтык маяна 50% га көтөрүлүп, кошумча төлөмдөр дагы 50% га жетти, бул жалпы кирешенин 100% га жогорулашына алып келди.

Мындан тышкары, илимий институттардагы жардамчы кызматкерлердин айлыгы 75-80% га көбөйдү.

Ошондой эле, документте илимий жана илимий-техникалык уюмдарда кызматкерлердин максималдуу санына чектөө белгиленди.

Бул чечим тиешелүү мамлекеттик органдар менен макулдашылып, жамааттык түрдө кабыл алынды.