Прогресс айылында жаңы мектептин курулушу уланууда

Ош облусунун Узген районунда, Прогресс айылында Т.Орозов атындагы жаңы мектептин курулушу уланууда.

Курулуш министрлигинен алынган маалыматка ылайык, бул окуу жай 150 окуучуга эсептелген.

Проекттин каржылоосу республикалык бюджеттен жүргүзүлүп, жалпы тендердин наркы 79 миллион сомду түзөт.

Мектептин Г формасындагы архитектурасы бар жана үч негизги блокту камтыйт: эки кабаттуу окуу имараты, өтүү галереясы жана спорт залы. Ичинде китепкана, медициналык кабинет, ашкана жана актовый зал сыяктуу жайлар иштелип чыккан.

Учурда курулуш объектинин даярдык деңгели 60%ды түзүп жатат.