Трамп жана Путин Украинадагы ок атпоо тууралуу сүйлөштү. Бул конфликт эч качан башталбашы керек эле, - Ак Үйдүн басма сөз катчысы

// AP
18-мартта telefon orqali болгон сүйлөшүүнүн алкагында Россия менен АКШ президенттери маанилүү маселелерди талкуулашты. Ак Үйдүн басма сөз катчысы Кэролайн Ливитт жолугушуунун жыйынтыктары тууралуу мындай деп комментарий берди:

«Сүйлөшүү учурунда Трамп жана Путин Украинадагы тынчтыкты камсыз кылуу жана ок атпоо маселесин козгошту. Эки жетекчи да бул конфликтти туруктуу тынчтык негизинде токтотушу керек экендигине макул болушту. Алар Америка Кошмо Штаттары менен Россиянын ортосундагы эки тараптуу байланыштарды жакшыртуу абдан маанилүү экенин белгилешти. Эки өлкө бул согушка сарптап жаткан ресурстарын, өз жарандарынын жакшычылыгы үчүн пайдаланган жакшыраак болмок. Бул конфликт эч качан башталбашы керек эле жана чынчыл аракеттер аркылуу тынчтык орнотула турган убакта биротоло токтотулушу керек.

Жетекчилердин макулдугунда, тынчтыкка алып бараткан биринчи кадам энергетика жана инфраструктура чөйрөсүндө ок атпоо болуп саналат, ошондой эле Кара деңиздеги деңиздик ок атпоо боюнча техникалык сүйлөшүүлөрдү өткөрүү, ок атпоо режиминин толук калыбына келтирилиши жана туруктуу тынчтыкка жетүү маселелери айтылган. Эти сүйлөшүүлөр араб өлкөлөрүндө дароо башталат. Алар ошондой эле, Жакынкы Чыгыш келечекте болуучу конфликттердин алдын алуу үчүн кызматташуучу аймак болушу мүмкүн экенин талкуулашты.

Сүйлөшүүнүн маанилүү пункттарынан бири стратегиялык куралдардын таралышын токтотуу керектиги болуп, башка мамлекеттер менен анын көзөмөлүн камсыз кылуу үчүн кызматташуу пландалууда.

Жетекчилер Ирандын Израильге коркунуч келтирүүгө мүмкүнчүлүгү болбошу керек деген пикирге келишти.

Эки президент АКШ менен Россиянын ортосундагы келечектеги экономикалык мамилелердин чоң мүмкүнчүлүктөрү бар экенине ишеништи. Бул тынчтыкка жеткенден кийин олуттуу экономикалык келишимдерди жана геополитикалык обстановкадагы туруктуулукту камтыйт».