Депутат Олимпиадага даярдануу борборунун курулушун көзөмөлдөөнү өтүндү

Кегетиде, президенттин демилгеси менен, Олимпиада оюндарына спортчуларды даярдоо борборун куруу пландалууда. Бул тууралуу депутат Таалайбек Масабиров 12-март күнү парламенттин жыйынында билдирген.

«Бул Борбордук Азиядагы эң заманбап спорт борборлорунун бири болот. Советтер мезгилинде мындай объект Кисловодск шаарында жайгашкан, ал жерде биздин спортчуларыбыз машыккан», - деди ал.

Депутат бул борбордун курулушуна каражатты үнөмдөбөөгө жана бул маселени катуу көзөмөлгө алууга өтүнүч жасады.