Таш-Кумырда 33,5 млн сомго спорт зал курулат

Таш-Кумыр шаарында Какелеев көчөсүндө -5/2 спорт залдын курулушу башталат, бул тууралуу Жалал-Абад облустук капиталдык курулуш башкармалыгы билдирген.

Мамлекеттик сатып алуулар порталында жайгаштырылган маалыматка караганда, сатып алуу процедурасы чектөөсүз негизде жүргүзүлөт.

Жалпы долбоордун баасы 33 миллион 550 миң 644 сомду түзөт.

Потенциалдуу катышуучулардан арыздарды кабыл алуу 2025-жылдын 26-мартында 13:02ге чейин уланмакчы.

Курулуш иштерин контрактка кол коюлган учурдан тартып 9 ай ичинде аяктоосу керек, эгерде финансирование убагында болсо.