Караколдук лыжчы А. Ибрагимова Түркиядагы тоо лыжа спорту боюнча эл аралык мелдеште күмүш медаль жеңип алды (сүрөт)

4-марттан 7-мартка чейин Түркиянын Бурса шаарында жайгашкан «Uludağ» тоо шаңгы базасында «Балкан кубогу» — эл аралык тоо шаңгы жарышы өттү, деп билдирет Turmush агенттигинин кабарчысы.

Турнирге үч өлкөнүн спортчулары катышты: Түркия, Словакия жана Кыргызстан.

Ысык-Көл облусунун Каракол шаарынан спортчу Альмина Ибрагимова, 16 жаштан жогору катышуучулар арасында слалом боюнча үчүнчү орунду камсыздады.

«Трасса абдан узун болуп, атаандаштык жогору болду. Мен беш жашымдан бери тоо шаңгы оюндары менен машыгып келе жатам, бул менин атамдын жана агамдын колдоосунун аркасында болуп жатат», — деп билдирди спортчу.

«Менин машыктыруучуларым Ибрагимова Р.К., Кизилова И.Н., Волкова И.В. баштаган ушул мезгилге чейин мени даярдап, билимдерин берүүгө аракет кылып келишет. Учурда менин машыктыруучум Бакыт Туложанов, ага эл аралык жарыштарга катышуу мүмкүнчүлүгү үчүн чоң ыраазычылыгымды билдирем», — деп ал кошумчалады.

• Эскертет, мурда Альмина Кыргызстанды Кытайда өткөн кышкы Азия оюндарына алып чыгып, 45 катышуучунун ичинен 22-орунду камсыздаган.