Кыргызстандын футбол боюнча аялдар командалары арасындагы чемпионаты старт алды

Кыргызстандын футбол боюнча аялдар арасындагы чемпионаттын жаңы сезону башталды. Муну Instagram'дагы kyzdarkurama аккаунту маалымдады.

Алардын маалыматына ылайык, чемпиондук титул үчүн ойногон сегиз команда катышууда: «Азиягол СИ» (Бишкек), «Момунов атындагы футбол академиясы» (Ош), «Иссык-Куль» (Каракол), «Юность» (Майлуу-Суу), «Виват» (Бишкек), «Илбирс» (Бишкек), «Керемет» (Бишкек) жана «Арабаев атындагы КГУ» (Бишкек).


Алгачкы беттештердин жыйынтыктары:

«Илбирс» «Иссык-Кулга» каршы 8:1 эсебинде жеңди;
«Азиягол СИ» «Виватты» 10:1 эсебинде утту;
«Юность» «Момунов атындагы футбол академиясына» 1:3 эсебинде жеңилди;
«Керемет» «Арабаев атындагы КГУ» командасын 16:0 эсебинде утуп алды.