Спорттук тармактын 2025-жылга бюджети 2,5 миллиард сомго жетет, - Кабинеттин жетекчиси

Кыргызстанда дене тарбия жана спорттун 100 жылдыгына арналган салтанатта өкмөт башчысы Адылбек Касымалиев акыркы беш жылдын ичинде спорт секторунун финансылык салымы көп жакшырганын белгиледи.

Өкмөттүн басма сөз кызматынан алынган маалыматка ылайык, 2020-жылы финансылоо көлөмү 800 млн сомду түзгөн.

«2025-жылга карата 2,5 млрд сомдук бюджет пландалууда. Бул каражат республика боюнча спорттук инфратүзүмдү өнүктүрүүгө жумшалат», - деп кошумчалады ал.