Футбол матчы «Өзбекстан-Кыргызстан»: Бишкекте фан-аймак уюштурулат

20-мартта Ташкенттеги «Милий» стадионунда Өзбекстан жана Кыргызстан курама командаларынын ортосунда футбол беттеши өтөт.

Муну менен байланыштуу Бишкектеги Т. Усубалиев атындагы аянтта «Легенда» деген аталыштагы ачык асман алдында фан-аймак уюштурулат, бул жерде күйөрмандар оюнду көрүп турушат.

Шаардык мэрия маалымат бергендей, борборго келген коноктор жана шаар тургундары үчүн кыргыз эстрадасынын белгилүү аткаруучуларынын катышуусунда көңүл ачуучу программа даярдалууда.

Иш-чарага кирүү акысыз, фан-аймак 19:00дө ишин баштайт, оюндун башталышы 22:00гө пландаштырылган.

Бул иш-чараны уюштуруучулар — Бишкек мэриясы, Кыргыз футбол союз жана алардын өнөктөштөрү.