Ысык-Көл облусундагы мектептердин биринде 15 баладан туберкулез аныкталды

Ысык-Көл облусунда быйыл 15 окуучуда туберкулез оорусу катталган. Бул тууралуу Жогорку Кеңештин депутатгы Камила Талиева жакында өткөн жыйында билдирген.

Курбу айылындагы Чынтемир Осмонов атындагы мектептин окуучуларынын ата-энелери, балдары жыл сайын туберкулез менен ооруп, Чолпон-Атадагы санаторияда дарыланарын айтып, тынчсызданууларын билдирди.

«Өткөн жылы беш-алты окуучуда туберкулез табылган болчу, ал эми быйыл алардын саны 15ке жетти. Бул мектептин абалы аябай жаман: ылдый, полдору шатырып, фактически сабак өткөнгө ылайыксыз», — деди Камила Талиева.

Депутат ошондой эле Билим берүү министрлиги бала бакчалар, мектептер жана жогорку окуу жайлары боюнча өз ишин жакшы аткарышпаганын белгилеп, министрдикти эки бөлүккө бөлүү боюнча сунушту колдоду.

Эске сала кетсек, Үчүнчү Элдик курултайда Жогорку Кеңештин спикери Нурланбек Тургунбек уулу Билим берүү министрлигин Балдар билим берүү министрлигине (бала бакчалар жана мектептер үчүн) жана Жогорку билим берүү жана илим министрлигине (жогорку окуу жайлары жана илимий изилдөөлөр үчүн) бөлүү пландары тууралуу билдирген.

Андан сырткары, министр Догдуркуль Кендирбаева учурда министрликте системалуу трансформация жүрүп жатканын жана бөлүнүү каалаган жыйынтыкка алып келбейт деген пикирди колдоду.