Руслан Казакбаев Африка өлкөлөрүнүн элчилер ассоциациясынын башчысы менен жолугушту

Жолугушууда Руслан Казакбаев Кыргызстанда президент Садыроо Жапаров тарабынан ишке ашырылып жаткан саясий жана экономикалык реформалар жөнүндө маалымат менен бөлүштү, ошондой эле Борбордук Азиядагы учурдагы абал жана Түрк мамлекеттер уюму алкагында өлкөлөрдүн өз ара кызматташтыгын талкуулады.

Мындан тышкары, Кыргызстан менен африкалык мамлекеттер ортосундагы эки тараптуу жана көп тараптуу кызматташтыктын аспектилери, анын ичинде Кыргыз Республикасынын 2027-2028-жылдарга БУУнун Коопсуздук Кеңешинин убактылуу мүчөсү катары кандидатурасын колдоону талкуулау боюнча деталдуу маалымат берилди.

Жооп катары Маджок Гуандонг африкалык мамлекеттердин Түркия менен кызматташтыгы жана Африкалык Союз алкагында биргелешип иш алып баруу жөнүндө айтып берди.

Жолугушуунун натыйжасында тараптар Кыргызстандын жана Африка өлкөлөрүнүн ортосундагы мамилелерди бекемдөө жана өнүктүрүүгө багытталган биргелешкен иш-чараларды өткөрүү жөнүндө макулдашышты.