Жогорку Кенештин комитеттери Тажикстан менен чек ара боюнча макулдашуулардын долбоорлорун бекитти

27-февралда, Жогорку Кенештин комитеттеринин бириккен жыйынында Кыргызстан менен Тажикстандын чек арасын чагылдырган бир нече маанилүү документтер каралып, бекитилди.

Күн тартибинде төмөнкү документтер болду:

• Кыргызстан менен Тажикстан ортосундагы мамлекеттик чек ара боюнча келишимдин долбоору,
• автомобиль жолдорун куруу жана пайдаланууга байланыштуу макулдашуунун долбоору, ошондой эле жолдордун түйүндөрүн уюштуруу жана пайдалануу макулдашуулары,
• Кыргыз Республикасынын өкмөтү менен Тажикстан Республиксынын өкмөтүнүн ортосундагы суу жана энергетикалык объекттерге кирүү боюнча макулдашуу долбоору.

Премьер-министрдин орун басары жана Улуттук коопсуздук мамлекеттик комитетинин башчысы Камчыбек Ташиев бул маселелер боюнча маалымат берди.

Бириккен жыйын өткөрүү боюнча чечим бүгүн, 27-февралда, Жогорку Кенештин кезектеги жыйынында кабыл алынды.

Ошондой эле, 21-февралда Кыргызстан менен Тажикстан мамлекеттик чек араны делимитациялоо боюнча протоколго кол коюлганын эске алыш керек. Бүгүнкү жыйында Камчыбек Ташиев Тажикстан менен чек ара боюнча жетишилген макулдашуулар тууралуу маалымат менен да бөлүштү.