Нурдан Орунтаев өзүнүн үч приоритерин курулуш министри кызматында айтып берди

Жогорку Кеңештин жыйынында депутаттар Нурдан Орунтаевдин курулуш, архитектура жана турак-жай-коммуналдык чарба министри болуп дайындалуусун талкуулашты.

Эл өкүлү Эльдар Абакировдун суроосуна жооп берип жатып, Орунтаев жаңы кызматтагы ишмердүүлүгү боюнча приоритеттүү багыттары жөнүндө өз планы менен бөлүштү.

Анын айтымында, биринчи милдети турак жай курулушунун көлөмүн кыйла жогорулатуу болот. Учурда өлкөнүн бир тургуну үчүн болгону 0,3 квадрат метр турак жай туура келет, ал эми министрлик бул көрсөткүчтү жакын арада 0,5 квадрат метрге чейин жогорулатууну пландап жатат. Бул максатка жетишүү үчүн ведомствого жылына 3 миллион квадрат метрден кем эмес турак жайды пайдаланууга берүү керек, калктын жылдык өсүшүн эске алуу менен.

Министрликтин экинчи маанилүү иш багыты мамлекеттик социалдык объектилерге, айрыкча билим берүү тармагына болгон муктаждыктарды канааттандыруу болот.

Үчүнчү приоритет курулуш процесстери боюнча көзөмөлдү күчөтүү жана сапат стандарттарын жогорулатуу болуп калат.