Чек арадагы өткөрмө пункттарын кеңейтүү тууралуу өкмөт башчысы Астанада талкуу жүргүздү

Астанада Казакстандын жана Кыргызстандын өкмөт башчыларынын жолугушуусу өтүп, эки өлкөнүн чек арасындагы өткөрмө пункттарын модернизациялоо жана кеңейтүү маселелери талкууланды. Бул тууралуу Казакстандын өкмөтүнүн маалымат кызматынан билдиришти.
Казакстандын өкмөтүнө караштуу маалымат кызматынан алынган сүрөт. Астанада эки өлкөнүн өкмөт башчылары өткөрмө пункттарын модернизациялоо боюнча маселелерди талкуулашты
Эки тараптуу сүйлөшүүлөрдүн жүрүшүндө Кыргызстан премьер-министри Адылбек Касымалиев жана анын казакстандык кесиптеши Олжас Бектенов чек арадагы өткөрүү жөндөмүн кеңейтүү боюнча деталдарды талкуулашты.

«Казакстан-кыргыз чек арасындагы өткөрүү жөндөмүн жогорулатуу үчүн бир катар чаралар ишке ашырылууда. Алардын ичинде “Аксу — Камышановка” жана “Бесагаш — Кичи-Капка” унаа өткөрмө пункттары модернизацияланып, кеңейтилиет. Ошондой эле “Сортобе — Токмок” жана “Аухатты — Кен-Булун” өткөрмө пункттарын өнүктүрүү пландаштырылууда», — деп билдирилди маалыматта.

Андан тышкары, тараптар суу-энергетикалык кызматташтык маселелерин, Шу жана Талас дарыялары боюнча вегетация мезгилинде суу камсыздоонун камсыздалышын, ошондой эле Киров суу сактагычынын коопсуздугу жана регионалдык энергетикалык стабилдүүлүк боюнча маселелерди талкуулашты.