Кагазсыз. 1-июндан баштап мамлекеттик органдар «Тундук» системасын гана колдонууну тандашат

2025-жылдын 1-июнунан баштап мамлекеттик жана муниципалдык мекемелер мамлекеттик маалымат базаларында бар документтерди жана билдирмелерди сурап алууга укугу жок. Муну президенттин администрациясындагы жетекчисинин орун басары жана мамлекет башчысынын кабыл алууларын даярдоо башкармалыгынын начальниги Азамат Кадыралиев билдирди.

Кадыралиев белгилегендей, мамлекеттик органдар «Тундук» мобильдик тиркемесинде тиешелүү маалыматтар жеткиликтүү болсо, кагаз формасындагы документтерди жана билдирмелерди берүүнү токтотушу керек.
Бишкек жана Ош шаарларында жаңы эрежелер 14-апрелден баштап күчүнө кирсе, өлкө боюнча 1-майдан баштап күчүнө кирет.
Бул инциатива мамлекеттик кызматтарды алуу процессин жеңилдетүүгө багытталган. Азыркы учурда жарандар көптөгөн кагаз документтерди топтоо жана кезекте туруу зарылчылыгынан кутулушат — бардык кызматтар санарип форматында жеткиликтүү болот.

Ал эми төмөнкү жарандар категориялары үчүн исключениялар бар:

• 50 жаштан жогорку адамдар үчүн;


• социалдык жактан алсыз топтор үчүн;


• чет элдик жарандар үчүн жана Кыргызстандын жарандарынан чет өлкөдө жүргөндөр үчүн.

Жаңы тартипти ишке ашырууга мамлекеттик органдардын жана жергиликтүү бийликтин кызматкерлерине жоопкерчилик жүктөлгөн. Бардык автоматташтырылган системалар 1-октябрга чейин колдонууга киргизилиши керек.