Жогорку Кенеш жаңы ЦИК мүчөсүн шайлады

19-мартта Жогорку Кенештин депутаттары Бахадыр Конуровду Борбордук шайлоо комиссиясына жана референдумдарды өткөрүү боюнча комиссияга дайындап чечим кабыл алышты.

Конуровдун сунуштаганы "Ишеним" фракциясы болду. Бул фракциянын лидери Улугбек Ормонов жаңы талапкер мурда Бишкек шаардык шайлоо комиссиясынын төрагасы болгонун белгиледи.

Бахадыр Конуров.
Электрондук жашыруун добуш берүүнүн жыйынтыгында 87 катталган депутаттын 72си Конуровдун талапкерлигин колдоду.

Мындан мурда, парламенттин квотасы менен шайланган ЦИК мүчөсү Искендер Гайпкулов өз каалоосу менен кызматтан кетүү тууралуу арыз жазганын эске салабыз.