Бишкек — Торугарт трассасында ичип алган айдоочу автоинспекторлорго баш ийбеди

Чүй облусунда ичип алган внедорожик айдоочусу автоинспекторлордун талаптарына баш ийбеген жана каршылык көрсөткөн учур болду. Бул тууралуу Чүй облусунун УОБДД пресс-кызматы билдирген.



Окуя 8-апрелде саат 17:45те Бишкек — Торугарт трассасынын 53-километриде болгон. Автоинспекторлор Lexus-570 унаасын токтотууга аракет кылышкан, бирок айдоочу талаптарына жооп бербей, качууга аракет кылган. Инспекторлор анын артынан жүгүрүп, унааны токтото алышкан. Алдын ала маалыматка караганда, 40 жаштагы М.Э. унааны башкарган, ал алкоголдук мас абалда болгон. Натыйжада, ага эки протокол жазылып, унаа айыппул токтоочу жайга коюлган.