Бишкекте эркектин сөөк тапшылган, алты шектүү кармалды (сүрөт +18)

Бишкекте киши өлтүрүүгө шектелип, алты адам кармалды.
ГУВД тарабынан берилген маалыматка ылайык, 20-февралда Первомай районунун УВДсына Ала-Арча суу сактагычынан, Лесное айылына жакын жерде өлүктүн табылганы боюнча кабар келген.
Окуя болгон жерге дароо тергөө-оперативдик топтун кызматкерлери барышкан. Табылган адам — 1981-жылы туулуп, мурун соттолгон А.А.
Бул жагдайларга таянып, КРнын Жазык Кодексинин 122-беренеси (киши өлтүрүү) боюнча кылмыш иши козголгон.
Полиция кызматкерлери шектүүлөрдүн ким экенин аныктоо мүмкүнчүлүгүнө ээ болушкан: Б.И. (1995-жыл), Б.С. (2004-жыл), Б.Ч. (2002-жыл), Т.К. (1999-жыл), А.Т. (1996-жыл), К.А. (1996-жыл).
Бардык кармалгандар убактылуу кармоо жайына жайгаштырылды.
Учурда тергөө уланууда, милиция кызматкерлери окуянын бардык жагдайларын аныктоого жумшалып, кыйналып өлгөн адамдын өлүм себептерин аныктоо үчүн зарыл экспертизалар дайындалды.
Тергөө уланууда.