Кара-Балта тургундарына коомдук мончо кайтарылды

24-февраль күнү Башкы прокуратуранын маалымат кызматы коомдук жуунуучу жай жана 0,21 гектар жер участкасынын мамлекеттин балансына кайтарылганын маалымдады.

Чүй облусунун Жайыл району прокуратурасы жүргүзгөн текшерүүнүн жыйынтыгында, жуунучу жай жана Мира көчөсүндөгү участок мыйзамсыз түрдө жеке колго өткөрүлгөнү аныкталды.

Көзөмөл органынын аралашуусунун натыйжасында кайтарылган мүлктүн наркы 69 миллион 31 миң сомду түзүп, азыр муницпалдыктын менчигинде турат.

Ошентип, мурда мыйзамсыз өткөрүлгөн коомдук жуунуучу жай жана жер участогу кайтарылды.