Кольбаевдын ОПГсын каржылоо фактысы боюнча Чолпон-Ата шаарынын мурдагы мэри камалды

Улуттук коопсуздук мамлекеттик комитети (УКМК) криминалдык чөйрөдө «Потап» деген каймана аты менен белгилүү С.Т.К.ны камагандыгы тууралуу маалымдады.

Тергөөчүлөрдүн маалыматына караганда, С.Т.К. Камчи Кольбаев менен жакын байланышта болуп, анын жардамы менен 2017-жылы Чолпон-Ата шаарынын мэри болуп дайындалган.
УКМКнын сүрөтү. Камалган мурдагы мэр Чолпон-Ата
Мындан тышкары, криминалдык дүйнөдөгү өз байланыштарын колдонуп, ал белгилүү бир адамдарга жана ишкерлерге жардам көрсөтүп, ошол үчүн акчалай сыйакылар алып турган.

Жыйналган далилдердин натыйжасында, 2025-жылдын 13-мартында С.Т.К. камалып, Октябрь райондук сотунун чечими боюнча Кыргыз Республикасынын Юстиция министрлигинин ГСИНине караштуу № 21 мекемесине жиберилди.