Кыргызстандык Америкада көз жумду. ТИМдин пикири

Кыргызстандын Тышкы иштер министрлигинин маалыматына ылайык, Канзас штатында, I-70 автомагистралында, Гудленд жана Колби шаарларынын ортосунда жүк унаасынын катышуусу менен жол кырсыгы болуп, биздин мекендешибиз Ш. Б., 2000-жылы туулган, көз жумду.
Кыргыз Республикасынын Чикагодогу Башкы консулдугу жергиликтүү бийликтер менен маркумдун жакындары менен тыгыз байланышта болуп, денесин мекенине кайтарып келүү маселелери менен иш алып барууда.
Борбордук жана түштүктөгү штаттарда болуп өткөн күчтүү торнадолор 34төн ашуун кишинин өмүрүн алып кетти. Миссури штатындагы жол патрулундагы маалыматтар боюнча Озарк, Батлер, Уэйн жана Джефферсон округдарында 12 киши көз жумганы такталды.
Канзас штатында чаңдуу бороондон улам 50 унаанын катышуусу менен ири жол кырсыгы болуп, ал кеминде сегиз кишинин өмүрүн алды.
Оклахома штатында бир киши, ал эми Техас штатында Амарилло округундагы чаңдуу бороонун натыйжасында үч киши жол кырсыктарынан көз жумду, деп маалымдады CBS мамлекеттик коомдук коопсуздук департаментине таянып.
Миссисипи штатында бийлик Уолтхолл, Ковингтон жана Джефферсон-Дейвис округдарындагы бороодон жыйынтыкталып, алты киши көз жумганын билдиришти.
Арканзас штатындагы өзгөчө кырдаалдар агенттиги үч кишинин көз жумганын жана 29 кишинин жаракат алганын билдирип, бул алдын ала маалыматтар экендигин белгиледи.