Саламаттык сактоо министрлиги бюрократияны азайтууну көздөп жатат

Министрлик 13-мартта Президенттин "Кыргыз Республикасынын мамлекеттик кызмат системасын натыйжалуу иштетүү үчүн кошумча чаралар жөнүндө" жарлыгын ишке ашырууга арналган жыйын өткөнүн билдирди.

Бул жумуштун негизги максаты — медициналык кызмат көрсөтүүлөрдүн жеткиликтүүлүгүн жана сапатын жакшыртуу, процедураларды жөнөкөйлөтүү жана жарандардын саламаттык сактоо системасы менен өз ара аракеттенишин жеңилдетүү, деп белгилешет Саламаттык сактоо министрлигинде.