Украинадагы согушка үч жыл: Россиялыктардын 55 проценту ок атпоо боюнча колдошот

Россиянын Украинадагы атайын аскердик операциясынын башталганына үч жыл болду. Бул датага байланыштуу Russian Field изилдөө тобу орус жарандарынын маанайын ачыкка чыгарган сурамжылоону өткөрдү.
2024-жылдын ноябрь айында жүргүзүлгөн окшош сурамжылоонун жыйынтыгы менен, тынчтык сүйлөшүүлөрү жана макулдашуу үчүн алдын ала шарттарсыз колдоо көрсөтүп жаткан респонденттердин саны 79% га жетти.

Февраль айында өткөрүлгөн акыркы сурамжылоодо катышуучулардан Россия менен Украина ортосундагы оккутууну токтотууга шартсыз даярбы деген суроо берилди. 55% катышуучулар оң жооп беришип, Россия тынчтык сүйлөшүүлөрүн башташы керек деп белгилешти. Ошол эле учурда, 36% сурамжыланган адамдар аскердик компанияны улантууну жакташат.

45% дан кем эмес россиялыктар Россиянын конфликтти тынчтык менен чечүүгө көңүл бурушу керек деп эсептешет, айрыкча аялдар жана жаштар арасында. 43% болсо аскердик аракеттерди улантуунун зарылдыгын белгилешет, бул көбүнчө эркектер жана 45 жаштан өткөн респонденттер.
Ошондой эле 37% сурамжыланган адамдар аскердик операцияны токтотууну каалашкан, эгерде бул мүмкүн болсо.
Орус жарандарынын 40% жакын жоокердик аракеттерден жеке коркунучту сезишет, алар дрондордун мүмкүн болгон чабуулдары үчүн эң көп алаңдашат.

Башка коркуу факторлору катары экономикалык көйгөйлөр, ок атуулар жана мобилизация белгиленген. 12% респонденттер жакындарынын ден соолугун жана өмүрүн коркунучта көрүшөт.

Изилдөөгө ошондой эле Америка Кошмо Штаттарынын президенти Дональд Трамптын конфликтти чечүүдөгү ролу тууралуу маселелер кирди. Бирок, сурамжылоо АКШ менен Россия президенттеринин арасындагы телефондук сүйлөшүүдөн жана башка бир катар окуялардан мурун жүргүзүлгөн.
Сурамжылоо жыйынтыктарынан 61% респондент Трамптын шарттары Россия үчүн пайдасыз болорун, ал эми 20% дан азы макул эместигин билдиришкен. Картайган адамдар эң песимисттик көз карашта, ал эми жаштар арасында сунуштардын потенциалдуу пайдасына ишенгендер 40% га жакын.