ИИ медицинада. Россиялык компания $20 миллион инвестициялоого даяр

Кыргызстанда искусстволук интеллекттин медицина тармагына киргизилиши күтүлүүдө, муну россиялык компания $20 миллион бөлүүгө даяр. Бул тууралуу Соода-өнөржөй палатасынын маалымат кызматы кабарлады.

Маалыматка ылайык, долбоор бейтаптардын медициналык карталарын санариптештирүүгө багытталат. Ошондой эле бул маалыматтарды талдоо негизинде диагноз коюу жана дарылоону оптималдаштыруу боюнча акылдуу системаларды киргизүүнү камтыйт.

Маалымат кызматы белгилегендей, ушуга окшош система Россияда, анын ичинде Москвада, иштеп жатат жана федералдык деңгээлде мамлекеттик программанын алкагында ишке ашырылууда. Кыргызстанда инвестор Саламаттык сактоо министрлиги менен кызматташып иш жүргүзөт.