Чүй облусунда жаңы наркыз дарактар аллеясы пайда болду

Чүй облусундагы №37 профессионалдык техникалык лицейдин базасында жаңы наркыз дарактар аллеясы түптөлдү. Бул тууралуу «Евразия» автономдуу коммерциялык эмес уюму маалымдады.

Иш-чара студенттердин, жергиликтүү активисттердин, «Евразия» уюмунун волонтерлорунун жана «Россиялык мугалим чет өлкөлөрдө» программасы боюнча келген мугалимдердин катышуусу менен мүмкүн болду. Дарактарды отургузуу Улуу Ата мекендик согуштагы Жеңиштин 80 жылдыгына арналган.

«Бул иш-чара табиятка болгон биримдикти жана камкордукту символдоштурат. Аллеянын отургузулушу – экологиялык инициатива гана эмес, ошондой эле жаштар арасында айлана-чөйрөгө болгон сүйүү жана урматтоо сезимин тарбиялоодо маанилүү кадам»,- деп белгиледи №37 ПТЛдин тарбия иштер боюнча директорунун орун басары Сандугаш Нурлановна.

Отургузулган дарактарга кам көрүүнү экология волонтерлору жана №37 ПТУнун студенттери өздөрүнө алышты.

Уюм жөнүндө:

«Евразия» АНО — эл аралык кызматташтыкты өнүктүрүүгө жана маданий салттарды сактоого жана улуттар аралык баарлашууга багытталган гуманитардык долбоорлорду ишке ашырууга арналган коммерциялык эмес автономдуу уюм. Ал социалдык жактан маанилүү инициативаларды колдойт жана ар кандай маданияттардагы адамдардын өз ара аракеттешүүсүнө өбөлгө түзүп, билим берүү, медицина жана жаштар алмашуусу тармактарында долбоорлорду иштеп чыгат.