Узгент районундагы Кашка-Терек айылында 114 млн сомго мектеп курулду. Фото

Узген районунда, Кашка-Терек айылында жаңы мектептин курулушу аякталды, бул тууралуу Ош облусу боюнча президенттин өкүлчүлүгү маалымат таратты.

Иш чара 17-мартта Жогорку Кеңештин өкүлдөрү, өкүлчүлүк, ошондой эле жергиликтүү бийлик жана айылдын тургундарынын катышуусунда өттү. Окуянын алкагында символикалуу түрдө кызыл лента кесилди.

Мектеп 225 окуучуга ылайыкташтырылган, эки кабаттан турат жана спорт залы менен жабдылган. Мектепке компьютерлер жана 300 миң сом берилди.

Курулуш аракеттери 2023-жылы башталып, жакында аяктады. Проекттин жалпы баасы болжол менен 114 миллион сомду түздү.