Билим министрлиги окуучуларга сабак учурунда мобилдик телефон колдонууга тыюу салды

Жаңы буйрук боюнча, окуучуларга сабактарда мобилдик телефон колдонууга тыюу салынат. Бул чечимди билим министри Догдуркул Кендирбаева билдирди.

Министр мобилдик аппараттар окуучулардын билим алууга көңүлүн бурдурбайт деп баса белгиледи.

Ал: "Биз мобилдик телефондорду окуу максаттары менен байланышпаган учурда сабакта колдонууга тыюу салуу чечимин кабыл алдык. Бардык мектептер тиешелүү буйрук алды. Биз ошондой эле класстарды телефондарды сактоо үчүн атайын жәшиктер менен камсыз кылууну пландап жатабыз", - деп кошумчалады министр.

Эскерте кетсек, мурда президент Садыр Жапаров окуучулар үчүн смартфондорду колдонууга тыюу салуунун зарылдыгы боюнча пикирин билдирген. Бул боюнча билим министрлиги билим берүү мекемелеринде мобилдик телефондорду колдонуу тартибин иштеп чыккан.