Электр шаарында жашаган жарандар колдорунда КР желектери менен көчөлөрдү басып өтүштү. Фото

3-мартта Жалал-Абад облусунда жайгашкан Кара-Кул шаарында Мамлекеттик желек күнүнө карата майрам өттү, деп маалымдайт Turmush'тун кабарчысы.

Майрамда шаардык администрациянын өкүлдөрү, кенеш мүчөлөрү, ошондой эле жергиликтүү уюмдардын жана ишканалардын жетекчилери катышты.

Мектеп окуучулары жөө маршка катышып, анын алкагында концерттик программа уюштурулду.

• Ар жыл сайын 3-мартта Кыргыз Республикасында Мамлекеттик желек күнү белгиленет. Бул майрам 2009-жылдын 10-июнунда кабыл алынган президенттин №270 "Кыргыз Республикасынын Мамлекеттик желеги жөнүндө" Жарлыгы менен негизделген, жана Кыргызстан жарандарынын патриотизмге жана өлкөнүн символдоруна болгон сый-урматын тарбиялоонун максатын көздөйт.