2024-жылы чет өлкөдө 4,2 миң кыргызстандык жумушка орношту

Кыргызстандын Эмгек, социалдык камсыздандыруу жана миграция министрлиги алдында иш алып барган чет өлкөдөгү жарандарынын жумушка орноштуруу борбору активдүү түрдө бүгүнкү күндө жакшы жумуш табуу үчүн жарандарына жардам берип жатат.
Мекеменин маалыматына ылайык, Борбор мыйзамдуу жана коопсуз жумшка орноштуруу механизмдерин түзүүгө көмөк көрсөткөн ар кандай мамлекеттер менен өнөктөштүк мамилелерди түзүүдө.
Бүгүнкү күндө бир катар өлкөлөр менен кызматташтык орнотулган, анын ичинде:
• Корея Республикасы
• Россия Федерациясы
• Улуу Британия
• Казахстан Республикасы
• Германия Федеративдүү Республикасы
• Беларусь Республикасы

2025-жылдан тарта Борбор өз чектерин кеңейтип, Словакия Республикасы, Түркия, Италия жана Япония менен жаңы кызматташуу келишимдерин түзгөн.
2024-жылы Борбордун жардамы менен 4 293 кыргызстандык чет өлкөдө жумушка орношту, алар төмөнкүдөй бөлүштүрүлгөн:
? Улуу Британия – 3 855 адам;
? Корея Республикасы – 421 адам;
? Россия Федерациясы – 13 адам;
? Казахстан Республикасы – 10 адам;
? Германия Федеративдүү Республикасы – 7 адам.
Борбор ошондой эле Кыргыз Республикасынын жарандарына чет өлкөдө жумушка орношууга уруксат берүү боюнча жооптуу, өлкөнүн мыйзамдарын белгиленген тартипте сактоону талап кылат.
2024-жылдагы маалыматка ылайык, жеке жумушка орноштуруу агенстволорунун аркылуу 16 204 жаран жумушка орношту, ал эми 2025-жылдын 26-февралында 1 064 талапкер жумушка орношту.
Азыркы учурда 197 жеке агенттик кыргызстандыктарды 29 өлкөдө жумушка орноштуруу кызматын көрсөтүп жатат, бул эмгек миграциясы үчүн мыйзамдуу жана коопсуз шарттарды камсыз кылууга мүмкүндүк берет. Борбор кызматташтык географиясын кеңейтүү, миграцияны жөнгө салуу механизмдерин жакшыртуу жана Кыргыз Республикасынын жарандарынын укуктарын чет өлкөдө коргоо боюнча иштерин улантууда, - делет билдирүүдө.