Ош шаарындагы мэр шаардык көчөлөрдү текшерди

Текшерүүнүн жүрүшүндө мэр Жеңишбек Токторбаев У.Салиева атындагы көчөнү карап чыгып, шаардык инфраструктураны жакшыртуу боюнча бир катар тапшырмаларды берди. Муниципалитеттен алынган маалыматка ылайык, жашыл зона түзүүгө, ошондой эле чектеш аймактарды көрктөндүрүүгө жана жашылдандырууга өзгөчө көңүл бөлүндү.

Мындан тышкары, мэр көп батирлүү үйлөрдүн алдында жайгашкан участктарды жөнгө келтирүү жана көчөнүн визуалдык көрүнүшүн начарлаткан элементтерди демонтаждоо тапшырмасын берди. Ошондой эле У.Салиева атындагы көчөдө жолдун бөлүгүндөгү объектилерди демонтаждоо менен жолду кенейтүүнү чечти.
Мэр ошондой эле У.Салиева көчөсүнөн Ошская көчөсүнө алып бараткан жолду нормаларга туура келтирүүнүн зарыл экенин белгиледи.