Бишкектеги 1641 ТСЖ катталды

Бишкекте учурда 1641 көпквартирлүү үйдүн жашоочуларынын жана инженердик жайларынын менчик ээлеринин бирикмеси катталган. Бул тууралуу 27-февралда борбор шаардын вице-мэри Рамиз Алиев Жогорку Кеңештин жыйынында билдирди.

Ал мэриянын бул бирикмелердин ишин көзөмөлдөөгө мүмкүнчүлүгү жок экенин белгиледи, анткени булар менчик ээлеринин коомдоштуктары.

«Чекташ аймактарын тиешелүү абалда кармоо боюнча жоопкерчилик ТСЖга жүктөлгөн. Эгер белгиленген талаптар аткарылбаган учурда, товариществаларга протоколдор түзүлөт», - деди ал.