Кино Департаментинде Кыргызстанда монгол кино күндөрүн жана Монголияда кыргыз кино күндөрүн уюштуруу талкууланды

24-февралда Маданий министрлигинин алдындагы Кинематография бөлүмүндө Монголиядан келген делегация менен жолугушуу өттү. Делегациянын курамына эл артисти, композитор жана актер Агваанцерен Энхтайван, элчиликтин кеңешчиси, эл артисти Гендендарам Эрданабат, ошондой эле эл артисти Цадандорж Товшинтогс жана оператор Батчулун Оттонзориг кирген.

Бул жолугушуунун алкагында тараптар кино тармагында кызматташтыктын келечегин, анын ичинде Кыргызстанда монгол кино күндөрүн жана Монголияда кыргыз кино күндөрүн өткөрүүнү талкуулашты.

Ошондой эле, сүйлөшүүлөрдүн катышуучулары фильмдерди биргелешип көрсөтүү темасын да көтөрүп, мындай инициативалардын эки өлкөнүн кинотүштүрүүчүлөрүнүн кесиптик жана достук байланыштарын чыңдоодогу маанилүүлүгүн белгилешти.

Сүйлөшүү жыйынтыгында тараптар биргелешкен кино проекттерин тереңирээк иштеп чыгуу жана кийинки кызматташуу боюнча макулдашышты.