Кыргыз меди Экспо-2025те чоң кызыгуу жаратты, - Жапониядагы кыргыз диаспорасынын өкүлү

Жапонунун Осака шаарында өткөн Эл аралык Экспо-2025 көргөзмөсүндө кыргыз балында жогору кызыгууну байкадык, бул тууралуу Жапониядагы кыргыз диаспорасынын өкүлү Назым Байбосунов маалымдады.

«Көргөзмөдө жогорку катышуу деңгээли орун алып жатканын байкадык жана анын ийгиликтүү өтүшүнө ишенебиз. Кыргыз диаспорасы иш-чараны уюштурууга активдүү катышууда, жана биз келген конокторду павильонубузга тартууну улантууга даярбыз», - деди ал.

Назым Байбосунов
Назым Байбосуновдун пикири боюнча, кыргыз балы чоң потенциалга ээ. «Аны Кыргызстандагы ар кандай региондордо өндүрсө болот. Арачычылык, башка айыл чарба багыттарына караганда, экологияны коргоого жардам берет, айрыкча жайыттар менен байланышкан көйгөйлөрдү эске алганда», - деп кошумчалады ал.

Экспо-2025’те Кыргыз Республикасы павильонунда ар ким кыргыз балын татып көрө алышат. Кыргызстан боюнча Экспо-2025тин генералдык катчысынын орун басары Азиз Абакиров балынын жыты жана өзгөчөлүктөрү тууралуу маалымат бөлүшүүдөн тартынбайт.

Балдан тышкары, павильондо кой кебези, килемдер, улуттук продуктылар жана шоколад көрсөтүлгөн.