«Jaz Demi» жарысы өтөт. Масалиев проспектинин бөлүгү жапылат

Бишкекте 13-апрелде «Jaz Demi» полумарафону өтөт. Мэриянын билдирүүсүнө караганда, Масалиев проспектинин бөлүгүндө транспорттук кыймыл чектелет.

Жарышта 3800 спорт сүйгүч жана активдүү жашоо образын кармангандар катышат деп күтүлүүдө. Катышуучулар үчүн 5 км, 10 км жана 21,1 км аралыктары сунушталат, ошондой эле 3төн 13 жашка чейинки балдар үчүн «Kid’s Run» жарышы болот.

Башталыш жана финиш сызыктары «Газпром-дем» дене тарбия-доо комплексинин территориясында жайгашат.
Жарыштын катышуучуларынын коопсуздугун камсыздоо үчүн 7:30дан 11:00гө чейин Абсамат Масалиев проспектинин түштүк тарабы — Б. Алыкулов көчөсүнөн А. Бакаев жана А. Масалиев көчөлөрүнүн кесилишиңе чейин жабылат.
Бул иш-чаранын уюштуруучусу «Nomad Sport» коомдук бирлиги, мэриянын жана мамлекеттик мекемелердин колдоосу менен.