2024-жылы Россиядан чыгарылган же депортацияланган чет элдиктердин рекорддук саны

Россиянын Ички иштер министрлигинин маалыматы боюнча, 2024-жылы чет өлкөлүктөрдүн өлкөдөн чыгарылышы же депортациялануусу менен байланышкан учурлардын саны кыйла көбөйдү. Жалпы саны 190,2 миң адамды түзүп, бул алдыңкы жыл менен салыштырганда 31,1% га көп.
Сүрөт иллюстративдик
Чыгарылган адамдын 157 миңи визалык режимин бузгандыктан Россиядан кетүүгө мажбур болду, бул 2023-жыл менен салыштырганда 44,6% га өстү.

Ички иштер министринин биринчи орунбасары Александр Горовой, 650 миң мигранттын болгону 18 миңи Россияда статусун мыйзамдаштыруу мүмкүнчүлүгүн пайдаланганын билдирген. Депортациядан качууга мүмкүндүк берген бул президенттин буйругу 2025-жылдын 30-апрелине чейин күчүндө болот.

Анын маалыматына караганда, учурда Россияда 6,3 миллион чет өлкөлүк жаран бар, алардын 89,2% легалдуу статуска ээ.

«Жаңы жылдын башында 6,3 миллион чет өлкөлүк Россия Федерациясынын аймагында болуп, бул өткөн жыл менен салыштырганда 5,1% га көп. Алардын көбү, тактап айтканда 89,2%, өлкөгө легалдуу кирген», — деди Горовой IX Санкт-Петербург экономикалык форумунда.

Ал ошондой эле, бардык чет өлкөлүк жарандардын 60% ын Өзбекстан, Тажикстан жана Казакстан жашоочулары түзөрүн кошумчалады.

Горовойдун айтымында, 2024-жылы Россияны 9,5 миллион адамдын ашыгы зыярат кылган. Алардан 37,9% эмгек максатында, 4,2% билим алуу үчүн, 5,7% туристтик максатта, ал эми дээрлик 30% жеке сапарлар үчүн келген. Ошол эле учурда 9,3 миллион адам өлкөдөн чыгып кеткен.