Кыргызстандык искусство ишмерлери «Актау – түрк дүйнөсүнүн маданий борбору 2025» ачылышына даярданып жатышат

Казакстандагы Актау шаарында 5-апрель күнү өтүүчү «Актау – түрк дүйнөсүнүн маданий борбору 2025» иш-чарасына даярдык жумуштары активдүү жүрүп жатат, деп билдирет Маданият министрлиги.

Иш-чарага Кыргызстандык искусство өкүлдөрү, элдик усталар жана чыгармачылык топтор катышат.

Кыргызстандыктар традициялык жана заманбап искусствонун түрлөрүн көрсөтүшөт: музыкалык жана бийдик топтордун чыгышы пландалып жатат, ошондой эле элдик кол өнөрчүлүктүн көргөзмөлөрү болот. Мындан тышкары, алар атайын жыйындарга жана илимий конференцияларга катышышат.