Кара-Суй районунда 2 куропатканы мыйзамсыз атып алган эркек адамды айыпташты

9-февралда Кара-Суй районунда Ош облустук экотехнадзор кызматкерлери Тар-Жылга, Шут жана Чөгөм аймактарында рейддерди өткөрүштү.

Экотехнадзор кызматынан алынган маалыматка ылайык, текшерүүнүн жүрүшүндө аңчылыкка уруксат кагазы жок эркек адам кармалды. Натыйжада, ал мыйзам бузуу кодексинин 263-беренесине (аңчылык эрежелерин бузуу) ылайык 12,5 миң сом айыппулга тартылды.

Мындан тышкары, ал мыйзамсыз түрдө эки куропатканы атып алгандыгы үчүн 4 миң сомдук доо арызы менен сотко берилди.