Кытайлык катализаторлор муункаптарда биринчи жолу сынактардан өтөт, - вице-мэр

Бишкек шаарынын отун-энергетикалык комплекси боюнча мэрдин орун басары Талайбек Байгазиев 13-февралда «Биринчи радио» эфиринде муниципалдык унааларга биринчи болуп кытайлык катализаторлор орнотулат деп билдирүү жасады.

Ал ошондой эле баш калаада катализаторлорду транспорттук каражаттарга орнотуунун натыйжалуулугун талдоо максатында пилоттук долбоор башталганын белгиледи.

Кытай тарап менен аталган долбоорду ишке ашыруу боюнча кызматташтык меморандуму түзүлгөн. «Катализаторго кепилдик берилет, ага кызмат мөөнөтү жана жүрүү пробеги кирет. Бул жөн гана сатуу же жоопкерчиликсиз орнотуу эмес. Биз бул маселеге жоопкерчиликтүү мамиле кылабыз жана мониторинг жүргүзөбүз», - деп ишендирди Т.Байгазиев.