Кыргызстан менен Тажикстан президенттеринин жолугушуусунун жыйынтыгы менен документтерге кол коюлду (видеотасма)

Бишкектеги "Ынтымак Ордо" имаратында Кыргызстандын жана Тажикстандын президенттери, ошондой эле эки өлкөнүн министрликтеринин жана мекемелеринин жетекчилери катышкан кенен кеңешме өткөрүлдү. Жолугушуунун жыйынтыгында эки тараптуу документтерге кол коюу башталды:



Кеңешме учурунда президент Садыр Жапаров Тажикстан менен жакшы коңшулук мамилелерди орнотуудагы өзгөчө жоопкерчилигин белгилей кетти.

«Бизди жалпы традициялар, маданият жана тарых бириктирет. Биз региондогу жана эл аралык көйгөйлөр боюнча окшош көз караштарга ээбиз, бул өз ара пайдалуу кызматташуу үчүн бекем негиз түзөт.

Биргелешкен аракеттердин, саясий эркдин жана элдерибиздин мир жана коңшулукка болгон умтулуусунун натыйжасында, конструктивдүү кызматташууда ишенимдүү платформаны түзүп жатабыз. Ошол контекстте Кыргызстандын жана Тажикстандын арасындагы мамлекеттик чек араны делимитациялоо жана демаркациялоо боюнча өкмөттүк комиссиялардын ийгиликтүү ишин белгилегим келет.

Чек ара жөнүндө келишимге кол коюу тарыхый окуя болот деп ишенем, бул биздин элдерибиз үчүн гана эмес, эл аралык коомчулук үчүн да кубаныч менен кабыл алынышат. Бул кадам биздин мамлекеттердин коопсуздугун, туруктуулугун жана туруктуу өнүгүүсүн бекемдөөдөгү маанилүү роль ойнойт», — деди Садыр Жапаров.

Мындан тышкары, президент бүгүнкү жолугушуунун кыргыз-тажик кызматташтыгынын актуалдуу маселелерин талкуулоо үчүн жакшы мүмкүнчүлүк берет деген үмүтүн билдирди. «Пеговорлор учурунда саясий жана экономикалык тармактардагы кызматташтыктын ченемдүү кадамдарын аныктай алабыз деп ишенем, ошондой эле биздин элдер арасындагы маданий жана гуманитардык байланыштарды бекемдей алабыз.

Бүгүн кол коюлган документтер кыргыз-тажик мамилелерин өз ара ишенимге, достукка жана жакшы коңшулукка негизделген жаңы жандандырууга жардам берет деп үмүт кылам», — деп кошумчалады Кыргызстандын президенти Садыр Жапаров.