2024-жылдын бюджетинин кирешеси 416,8 млрд сомду түздү

- Финансылар министрлигинин Борбордук казначейлигинин маалыматына ылайык, 2024-жылга республикалык бюджеттин киреше бөлүгү 416 миллиард 855,8 миллион сомго жетти. Бул 2023-жылдагы окшош көрсөткүчтөрдөн 59 миллиард 108,2 миллион сомго ашып, 16,5% га өстү.

Кирешенин өсүшүнүн негизги фактору эл аралык соода жана операцияларга салынган салыктар болду, алар 13 миллиард 627,6 миллион сомго (жалпы кирешенин 23,1%) көбөйдү. Мындан тышкары, бирдиктүү салык боюнча да маанилүү өсүш болуп, 13 миллиард 60,3 миллион сом (22,1%), менчик жана пайыздардан түшкөн кирешелер боюнча 9 миллиард 247 миллион (15,6%), пайда салыгы боюнча 8 миллиард (13,5%), кошумча баа салыгы боюнча 7,2 миллиард (12,2%) жана сатуу салыгы боюнча 5 миллиард 878,8 миллион сом (9,9%) көбөйдү.

Кирешелердүн структурасындагы салыктык болбогон түшүүлөрдүн үлүшү 0,2 пайыздык пунктка кыскарып, 20,9% түздү, бул 87 миллиард 51,9 миллион сомго барабар. Расмий трансферттердин үлүшү да 1,1 пайыздык пунктка төмөндөп, 3,4% (14 миллиард 94,9 миллион сом) болду, ал эми салыктык кирешелер 1,3 пайыздык пунктка жогорулап, 75,7% га жетти, бул 315 миллиард 705,8 миллион сомду түзөт.