Депутат авиапассажирлерди ички рейстердин кечиктирилишин же токтотулушунан кабардар кылууну сурады

Бүгүн, 5-мартта, Жогорку Кеңештин жыйынында депутат Бактыяр Калпаев ички авиарейстердин токтотулушуна байланыштуу тынчсыздануусун билдирди.

Ал кышкы мезгилде көптөгөн рейстердин жоюлганы же кыйын климаттык шарттардан улам кечигип жатканын белгиледи.

«Айрыкча, Бишкектен Ош, Баткен жана Лейлекке болгон каттамдарда кечигүүлөр байкалууда. Адамдардын аэропортко керексиз сапарларын болтурбоо үчүн, рейстердин кечигүүсү тууралуу телефон аркылуу алдын ала маалымдап турса болот. Кээде рейстер 2-3 күнгө белгиленет, жана адамдар аэропортко жетүү үчүн 1000 сом сарптап, рейс жоюлгандан кийин кайра үйүнө кайтууга аргасыз болушат», - деди ал.

Бул кырдаалга байланыштуу депутат бул маселени чечүү үчүн протоколдук тапшырма түзүүнү сунуштады.