Пакистанда кыргыз-пакистан ишкерлер кеңешинин биринчи жыйыны болуп өттү
Жыйын Пакистандын Соода жана өнөр жай палатасынын президенти Атиф Икрам Шейхтин жетекчилиги астында, ошондой эле ушул мамлекеттеги Кыргызстан элчиси Авазбек Атахановдун катышуусунда болду.
Элчи Атаханов өз ара кызматташууну тереңдетүү мүмкүнчүлүктөрүн белгилеп, эки өлкөнүн бизнес коомчулуктарынын соода-экономикалык жана инвестициялар боюнча мамилелерди чыңдоого активдүү катышарына үмүт артып жатканын айтты.
Ал ошондой эле 2024-жылы өз ара соода көлөмү болгону $16 миллионго жакын болгонун, бул эки тараптын дагы деле болсо кызыкчылыктарын канааттандыруу үчүн жетишсиз экенин айтуу менен белгиледи.
Жыйында катышуучулар айыл чарба, текстиль, энергетика, транспорт жана туризм сыяктуу чөйрөлөрдөгү биргелешкен инициативалардын келечегин карашты.
Мындан тышкары, кыргыз компанияларынын Кытай-Пакистан экономикалык коридорун курууга катышуу мүмкүнчүлүктөрү талкууланды, бул Кыргызстанга Кытай аркылуу Пакистандын Карачи портуна жол ачкан шарттарды түзүүсү мүмкүн.
Обсудим?
Смотрите также:
