НЭСК кыргызстандыктардын электр энергиясын үнөмдөөгө чакырат, Токтогул ГЭСинин ремонтуна байланыштуу

- Ремонт иштеринин жүргүзүлүшүнө байланыштуу энергетикалык компаниялар калкты электр энергиясын үнөмдөөгө чакырууда. Бул тууралуу Кыргызстандын Улуттук электр тармагынын басма сөз катчысы билдирүү жасады.

«Токтогул ГЭСиндеги №3 гидроагрегатты реконструкциялоонун башталышы менен өлкөнүн энергетикалык системасында электр энергиясынын генерациясы төмөндөп жатат, анткени учурда төрт гидроагрегаттан үч гана иштеп жатат», - делет билдирүүдө.

НЭСКтин өкүлдөрү реконструкция аяктаганда Токтогул ГЭСинин кубаттуулугу 60 МВтка көбөйөөрүн, жалпы көлөм 1 440 МВтка жетээрин белгилешти.

Маалымат

Токтогул ГЭСинде төрт агрегат орнотулган, алардын ар бири оңдолбогонго чейин 300 МВт кубаттуулукка ээ болгон. «Электр станциялары» тараптан берилген маалыматка ылайык, 2025-жылдын башына чейин ГА-4, ГА-2 жана ГА-1 гидроагрегаттарын алмаштыруу пландалууда. Алмаштырган соң ар бир агрегаттын кубаттуулугу 300дөн 360 МВтка чейин көбөйөт.