Быйыл Узгенден Кара-Кулжанын борборуна чейинки автожолдун асфальтталышы пландалууда, - депутат

Узген — Мырза-Аке — Кара-Кулжа — Алайкуу автожолунун ремонтун жана калыбына келтирүүнүн зарылдыгы жакынкы убакта чечилиш керек. Бул тууралуу бүгүн, 26-февралда, Жогорку Кенеште өткөн жыйында депутат Суйунбек Омурзаков билдирди.

Депутат өкмөткө атталган жолду ремонттоо жана реконструкциялоо боюнча жүргүзүлгөн иштер үчүн ыраазычылык билдирди.

Ал, учурдагы жылда Узгенден Кара-Кулжанын борборуна чейинки жолдун 34 километр узундуктагы бөлүгүн асфальттоо пландалганын белгиледи.

Мындан тышкары, Омурзаков Узгенден Мырза-Акеге чейинки автожолдун туурасы 8 метр экенин айтты.

«Титулдук баракта Мырза-Акеден Кара-Кулжага чейинки жолдун туурасы 7 метр деп белгиленген. Бул бөлүктүн да туурасы 8 метрге кеңейтилгени маанилүү», - деп кошумчалады ал.