ГТСте Кыргызстандын жана Финляндиянын бажы кызматтарынын кызматташтыгын өнүктүрүү талкууланды

- 14-февралда Мамлекеттик бажы кызматынын имаратында, ГБКнын структуралык бөлүмдөрүнүн башчылары Финляндиянын Казакстандагы бажысынын байланыш офицери Антти Луукконен менен жолуккан.
Кеңешмелердин жүрүшүндө Кыргызстан менен Европалык Биримдик ортосундагы кеңейтилишкен өнөктөштүк жөнүндө макулдашуу алкагында кызматташууга көңүл бурулду.
ГБК билдиргендей, эки өлкөнүн бажы кызматтарын кадрдык жана институционалдык потенциалын өнүктүрүүгө, санариптештирүү боюнча тажрыйба алмашууга жана укук коргоо органдарынын өз ара аракеттенишине көңүл бурулду.
Ошондой эле бажы кызматтарынын өкүлдөрү кызматкерлерди, анын ичинде кинологиялык бөлүмдүн адистерин даярдоо жана квалификацияларын жогорулатууну көздөгөн окутуу борборлору арасында эл аралык келишим түзүүнүн мүмкүнчүлүгүн талкуулашты.