Бишкектин айрым райондорунда 16-18-апрелде табиги газ болбойт - Бишкекгаз

- 16-апрелден 18-апрелге чейин жер астындагы орто басымдагы газ түтүкчөсүндө техникалык иштер жүргүзүлүшүнө байланыштуу табигый газдын берүү убактылуу токтотулат. Бул тууралуу «Бишкекгаз» компаниясынын пресс-службасы маалымдады.

Ведомствонун маалыматы боюнча, газды өчүрүү Лермонтова, БЧК, Первый Май жана «Бакай-Ата» турак жай массиви менен чектелген аймакты камтыйт.

«Газ кызматы «Бишкекгаз» мүмкүн болгон ыңгайсыздыктар үчүн кечирим сурайт жана абоненттерге өчүрүү убактысында альтернативдүү энергия булактарын колдонууга кеңеш берет. Бул иштер газ менен камсыздоонун ишенимдүүлүгүн жана коопсуздугун камсыздо үчүн керек», — деп баса белгиленет билдирүүдө.