2025-жылы 128 өнөр жай обьектин ачууну пландап жатабыз, - өкмөт башчынын биринчи орун басары

Hytera компаниясынын жаңы заводунун ачылышынын аземине Премьер-министрдин биринчи орун басары Данияр Амангельдиев катышты. Бул тууралуу өкмөттүн маалымат борбору билдирүүдө.
Амангельдиев өз кайрылуусунда өкмөт бизнес үчүн ыңгайлуу шарттарды түзүүгө, анын ичинде ачык жөнгө салуу жана инфраструктураны колдоого көңүл бураарын белгиледи.
Ал ошондой эле, 2024-жылы 102 жаңы өнөр жай объектиси ишке киргизиле турганын, ал эми 2025-жылы дагы 128 объекттин ачылышы пландаштырылып жатканын маалымдады. Бул региондорду өнүктүрүүгө жана миңдеген жаңы жумуш орундарын түзүүгө мүмкүндүк берет. 2024-жылы өнөр жай продукциясынын көлөмү 585 миллиард сомго жетет деп күтүлүүдө.
Акырында, Данияр Амангельдиев жаңы заводдун ийгиликтүү иштөөсүнө ишенимин билдирди.
Маалымат
Проектке болгон инвестициялар $1 миллионду түздү.
Заводдун өндүрүш мүмкүнчүлүктөрү:

• Жылдык чыгаруу 57 миңден ашуун продукция;


• 700 квадрат метр заманбап өндүрүш аянты;


• 50 жаңы жумуш орундарынын түзүлүшү;


• Сапат контролунун автоматташтырылган системалары;


• Заманбап технологияларды өткөрүп берүү жана кадрдык потенциалды өнүктүрүү.