Февралда бөтөлкөдөгү суу өндүрүү 66% га өстү

- Улуттук статистика комитетинин маалыматына ылайык, 2025-жылдын февраль айында шекер жана ароматизаторлорду камтыбаган бөтөлкөдөгү суу өндүрүшү өткөн жылдын ушул мезгилине салыштырмалуу 66% га өскөн.

Бул айда чыгарылган жалпы көлөм 6,4 миллион литрге жетти, бул 2024-жылдын февраль айына салыштырганда 2,5 миллион литрге көбөйдү.

Эгер 2025-жылдын январь жана февраль айлары боюнча маалыматтарды жыйынтыктасак, бөтөлкөдөгү суунун чыгарылышы 47,4% га жогорулап, 11,5 миллион литрди түздү.

Ошондой эле, ошол эле эки айда алкоголсуз ичимдиктердин өндүрүшү 40% га өсүп, 48 миллион литр болду.