2024-жылы Кыргызстанга Кытайдан 46 миң тонна тоок этин алып келишти

- Акылбек Тумонбаев комитеттин жүрүшүндө Кыргызстанга Кытайдан тоок этин жана башка жандыктарды импорттоо көлөмү боюнча маалымат берип өттү.

Суу ресурстары, айыл чарба жана кайра иштетүү өнөр жайы министринин орун басары Самат Насирдинов жыл сайын Кытайдан жеткирүү үчүн 58 миң тонна квота берилерин жана өткөн жылы 46 миң тонна тоок эт алып келингенин кошумчалады.

Орун басар министрдин айтымында, Кытайдан импорттолуучу жалгыз продукт тоок эт болуп саналат.

Ошондой эле, 2024-жылы Кыргызстанга бардык өлкөлөрдөн келген тоок эттин жалпы көлөмү 93 миң тоннаны түзгөн, анын 40% Кытайга тийиштүү экени белгилүү болду.

Жыйында ошондой эле 2025-жылга Кыргыз Республикасында жазгы талаа жана фермердик иштерге даярдык маселелери талкууланды.